في الدرس العشرين نتعلم كيفية استخدام اليد اليسرى في استخراج صوت السّك الذي تعلمناه سابقا باليد اليمنى و نتعرف على تمارين جديدة مهمة جداً لليدين اليمنى و اليسرى.
ناصر سلامة:
"مرحبا أنا ناصر سلامة من إعزف دوت كوم وهدا الدرس رقم عشرين في آلة الطبلة.
الحصة الماضية عملنا تمارين إلها علاقة باستعمال الإيد الشمال بالدُّم (يعزف الأستاذ ناصر صوت الدُّم بيده اليسرى على الطبلة) المرة هاي رح ناخد استعمال إيدي الشمال بالسك اللي هو بالإيد اليمين بالإيد الشمال (يعزف الأستاذ ناصر صوت السك مرة بيده اليمنى ومرة بيده اليسرى على الطبلة).
هدول الدُّم بالإيد اليمين والسلاب بالإيد الشمال هم عبارة عن تمارين تستخدم حليات أو تزيين أو زخارف هدا الموضوع بيحتاج وقت أنه يطلع الصوت واضح إنك تعرف وين تستعملهم إنك تعرف كيف تستعملهم أنه ما يكونوا دايما موجودين. السك اللي يستخدم بالإيد الشمال بنفس المنطق اللي تستخدم فيه السك بالإيد اليمين (يعزف الأستاذ ناصر صوت السك مرة بيده اليمنى ومرة بيده اليسرى على الطبلة).
إذا التمرين الأول سك (يعزف الأستاذ ناصر التمرين على الطبلة) سك بالإيد اليمين (يعزف الأستاذ ناصر التمرين على الطبلة) سبق وشرحنا بحصة ماضية كيف بتم استخراج صوت السك أصلاً بالإيد اليمين الإيد مرخية وفيها تجوير تلمس السطح تبع الطبلة وتضلها عليه نفس الشي بالإيد الشمال (يعزف الأستاذ ناصر صوت السك على الطبلة) إذا التمرين الأول (يعزف الأستاذ ناصر التمرين على الطبلة).
التمرين التاني بعد طبعا التمرين الأساسي اللي هو استخراج صوت السك هدا التمرين هداك هو التمرين الأول اللي قبله كان التمرين التاني والتمرين التالت (يعزف الأستاذ ناصر التمرين على الطبلة) التمرين الرابع (يعزف الأستاذ ناصر التمرين على الطبلة) هلأ تمرين كتير مهم دمات تكات سكات (يعزف الأستاذ ناصر التمرين على الطبلة) أسرع (يعزف الأستاذ ناصر التمرين على الطبلة).
وين بستخدم الشمال بالتك وبالسك شو الفرق؟ التك زي ما حكينا هي دايما (يعزف الأستاذ ناصر التمرين على الطبلة) السك بتدخل بالشمال بس بنهاية أو ببداية (يعزف الأستاذ ناصر التمرين على الطبلة). منشوفكم الحصة الجاي في إعزف دوت كوم."
